الاثنين، 7 مايو، 2012

بكرة الأثنين




بكرة الاتنين ... إممم

اصوم ولا ما اصومش ! اصوم ولا ما اصومش !



ده يوم الاتنين



اليوم ده الصيام فيه سُنه عن النبي صل الله عليه واله وسلم

قال النبي صلى الله عليه واله وسلم : تعرض الأعمال يوم الاثنين والخميس ، فأحب أن

يعرض عملي وأنا صائم


بس إمممممم

انا عندي مشوار كبييير جداا ومش هقدر اتحمله وانا صايم

لالالالالا

هصوم بكرة علشان انا بحب سيدنا محمد صل الله عليه وسلم

بس انا جربت المشوار ده كتيير ومقدرتش اتحمله

مش مشكلة هصوم بكرة ولو تعبت هفطر فى الطريق اهو يبقى حرمنى العذر

قال صل الله عليه واله وسلم

" إن أقوام بالمدينة خلفنا ما سلكنا شعباً و لا وادياً إلا و هم معنا حبسهم العذر "

فربنا كتب ليهم ثواب الجهاد برغم ان هما مش راحوا ليه وده عشان حبسهم العذر ,,

 وبكدة بيكتب ربنا ثواب العمل للي حبسهم العذر


بس انا تعبان النهاردة وباخد دوا بيرهقنى هستنى لما اخف واصوم



لالالالالالا



انا مش ضامن عمرى ثانية واحدة زيادة

هتحمل و أجاهد فى صيامــي علي قد ما اقدر ولو تعبت هفطر

قال صل الله عليه وسلم :

( مَن صام يوما في سبيل الله، بعد الله وجهه عن النار سبعين خريفا )

طيب وليه اشقي علي نفسي كدة .. ده جسمي ليه عليا حق

لالالالا دي مش مشقة والله

ما انا يا ما شقيت عليها فى اللى بيغضب ربنا

ما انا كنت بتحمل العطش والوقفة فى الشمس عشان احجز تذكرة الماتش ومكنتش

بتحرك من مكانى علشان مش يتاخد

وذنووووب كتييير اوووى كنت بتحملها من غير اى تعب او زهق

ودلوقتي دي الجنة متستحقش منى ان اتعب علشانها ؟؟؟

عن أبي أمامة قال أتيت رسول الله صل الله عليه واله وسلم فقلت مرني بعمل يدخلني

الجنة .. قال عليك بالصوم فإنه لا عدل له

ثم أتيته الثانية .. فقال عليك بالصيام

انا هصــــوم إن شاء الله و اليوم قصير و الثــواب كبير إن شاء الله

تقبل الله منكم ولا تنسونا من صالح دعائكم :)))




LinkWithin

Related Posts Plugin for WordPress, Blogger...
كونى انثي