جربت تتعشى على انغام البيانو

وضوء الشموع ؟
...جربت تتكلم مع قلبك 
ولو الكلام مش عاجبك
تغير الموضوع ؟
جربت تسافر لوحدك
وترجع لوحدك
جربت تبكى من غير دموع ؟
جربت تأجل افراحك
وسألت نفسك
ليه بنعمل للميت اربعين
وللمولود سبوع ؟
جربت تجرى ورا الأوتوبيس
او تجرى من الآوتوبيس ؟
جربت تقف ف طابور
ولما تيجى تحلم
الف حاجة تقول ممنوع ؟
جربت الإحساس ؟
انه ليل نهار عندك وسواس
ان قميصك مكرمش
وفيه زرار ملخلخ
والبنطلون مقطوع ؟
جربت تقول لحد بحبك
عشان بس تكسب ثواب
جربت تأكل من غير نفس
حتى ولو كباب
وانت ميت م الجوع ؟
عارف ..
حلوة اوى ضحكتك
لكنها بتكشفك ..
وتقول انك موجوع

علي سلامة ~

لو عجبتك متنساش تعمل شير لكل أصحابك